Újból az Akathiszt himnusz, most oroszul
Великий акафист Пресвятой Богородице
Кондак 1
В |
збранной Воеводе победительная, яко избавльшеся от злых, благодарственная восписуем Ти раби Твои, Богородице, но яко имущая державу непобедимую, от всяких нас бед свободи, да зовем Ти: Радуйся, Невесто Неневестная.
Икос 1
А |
нгел предстатель с небесé послан бысть рещи Богородице: радуйся, и со безплотным гласом воплощаема Тя зря, Господи, ужасашеся и стояше, зовый к Ней таковáя:
Радуйся, Еюже рaдocть возсияет;
Радуйся, Еюже клятва изчезнет.
Радуйся, падшаго Адама воззвание;
Радуйся, слез Евиных избавлéние.
Радуйся, высотó неудобовосходимая человеческими помыслы;
Радуйся, глубинó неудобозримая и ангельскима очима.
Радуйся, яко еси Царéво седалище;
Радуйся, яко нóсиши Носящаго вся.
Радуйся, Звездó, являющая Солнце;
Радуйся, утрóбо Божественнаго воплощения.
Радуйся, Еюже обновляется тварь;
Радуйся, Еюже покланяемся Творцу.
Радуйся, Невесто Неневестная.
Кондак 2
В |
идящи Святая Себе в чистоте, глаголет Гавриилу дерзостно: преславное твоего гласа неудобо-приятельно души Моей является: безсéменнаго бо зачатия рождество како глаголеши, зовый: Аллилуиа.
Икос 2
Р |
азум недоразумеваемый разумети Дева ищущи, возопи к служáщему: из боку чисту, Сыну кáко есть родитися мóщно, рцы Ми? К Нейже он речé со страхом обáче, зовый сице (так):
Радуйся, совета неизреченнаго Таиннице;
Радуйся, молчания просящих вéро.
Радуйся, чудес Христовых начало;
Радуйся, велений Его главизно.
Радуйся, лéствице небесная, Еюже сниде Бог;
Радуйся, мóсте, преводяй сущих от земли на небо.
Радуйся, Ангелов многословущее чудо;
Радуйся, бесóв многоплачевное поражение.
Радуйся, Свет неизреченно родившая;
Радуйся, еже како, ни единаго же научившая.
Радуйся, премудрых превосходящая разум;
Радуйся, верных озаряющая смыслы.
Радуйся, Невесто Неневестная.
Кондак 3
С |
ила Вышняго осени тогда к зачатию Браконеискусную, и благоплодная Тоя ложеснá, яко селó (поле) показá сладкое, всем хотящим жати спасение, внегда пети сице: Аллилуиа.
Икос 3
И |
мýщи Богоприятную Дева утробу, востечé ко Елисавети: младенец же óноя áбие (тотчас) познав Сея целование, радовашеся, и игрáньми яко песньми вопияше к Богородице:
Радуйся, отрасли неувядаемыя розгó;
Радуйся, Плодá безсмертнаго стяжание.
Радуйся, Делателя делающая Человеколюбца;
Радуйся, Садителя жизни нашея рождшая.
Радуйся, ниво, растящая многоплодие щедрот;
Радуйся, трапéзо, носящая обилие очищения.
Радуйся, яко рай пищный процветаеши;
Радуйся, яко пристанище душáм готовиши.
Радуйся, приятное молитвы кадило;
Радуйся, всего мира очищение.
Радуйся, Божие к смертным благоволение;
Радуйся, смертных к Богу дерзновение.
Радуйся, Невесто Неневестная.
Кондак 4
Б |
урю внутрь имея помышлений сумнительных, целомудренный Иосиф смятеся, к Тебе зря небрачней, и бракоокрадованную помышляя, Непорочная; увéдев же Твое зачатие от Духа Свята, рече: Аллилуиа.
Икос 4
С |
лышаша пáстырие Ангелов поющих плотскóе Христово пришествие, и текше яко к Пастырю видят Сего яко агнца непорочна, во чреве Мариине упасшася, Юже поюще рéша:
Радуйся, Агнца и Пастыря Мати;
Радуйся, двóре словесных овец.
Радуйся, невидимых врагов мучение;
Радуйся, райских двéрей отверзéние.
Радуйся, яко небесная срадуются земным;
Радуйся, яко земная сликовствуют небесным.
Радуйся, апостолов немóлчная уста;
Радуйся, страстотерпцев непобедимая дерзосте.
Радуйся, твердое веры утверждение;
Радуйся, светлое благодати познание.
Радуйся, Еюже обнажися ад;
Радуйся, Еюже облекохомся славою.
Радуйся, Невесто Неневестная.
Кондак 5
Б |
оготечную звезду узрéвше волсви (волхвы), тоя последоваша зари, и яко светильник держáще ю, тóю испытáху крепкаго Царя, и достигше Непостижимаго, возрадовашася, Ему вопиюще: Аллилуиа.
Икос 5
В |
идеша óтроцы халдéйстии на руку Девичу Создавшаго рукáма человеки, и Владыку разумевающе Его, аще и рáбий прият зрак, потщашася дарми послужити Ему, и возопити Благословенней:
Радуйся, Звезды незаходимыя Мати;
Радуйся, зарé тáинственнаго дне.
Радуйся, прелести пещь угасившая;
Радуйся, Троицы таинники просвещающая.
Радуйся, мучителя безчеловечнаго изметающая от начальства;
Радуйся, Господа Человеколюбца показавшая Христа.
Радуйся, варварскаго избавляющая служения;
Радуйся, тимéния (болота) изымающая дел.
Радуйся, огня поклонение угасившая;
Радуйся, пламене страстéй изменяющая.
Радуйся, верных наставнице целомудрия;
Радуйся, всех родóв веселие.
Радуйся, Невесто Неневестная.
Кондак 6
П |
роповедницы богоноснии, бывше волсви, возвратишася в Вавилон, скончавше Твое пророчество, и проповедавше Тя Христа всем, оставиша Ирода яко буесловнk